أغنية ..
••••••
" إيه ..؟ "
''''''''''''''''''''
إيه ضحكني.... و إيه بكاني
ماحدش يعرف جرح التاني
ياللي بتسأل..... عاوز تعرف
جوا عيون الناس...... تلقاني
اللي بيضحك.. واللي بيبكي
واللي ف قلبه....... عالم تاني
إيه ضحكني...... و إيه بكاني
_________
يمكن باضحك علشان أنسى
لما القلب............ إتملا أحزان
يمكن تلقىٰ........... حد بيبكي
علشان مرة...... صبح فرحان
آه م الدنيا دي حاجه عجيبة
بحر.......... يتوه فيه الإنسان
اللي بيضحك.. واللي بيبكي
و اللي ف قلبه..... عالم تاني
إيه ضحكني..... و إيه بكاني
_________
سيب الناس مستورة ف حالها
إياك............. تسأل عن أسرارها
ياما عيون...... بتنام و بتحلم..
و قلوب...... عمر الفرح مازارها
آه م الدنيا دي حاجه عجيبة..
بحر.......... يتوه فيه الإنسان..
اللي بيضحك.... و اللي بيبكي
و اللي ف قلبه........ عالم تاني
إيه ضحكني........ و إيه بكاني
_________
''''''''''''''''''''''''''''''''''''''''''
بقلمي ..
/ ممدوح صبحي
