قاسي هواه
افتح عينيك بص كويس للحياه
أخرج من العتمة للنور وعيش
إنت فاكر كل القلوب بتخدع
زي القلب اللي خدعك مرة
ورسم الابتسامه فوق القناع
وخلاك تحبه وبعدين سابك غرقان
هو الحب أصبح عندك كذبة
اصحى قم يلا الدنيا مستنياك
بص بعين القلب مرة تانية
وسيبله فرصة يحب ويتحب
وعيش حياتك بأحلى صورة
حتلاقي صدقه في بريق عينين حبيبك
وتأكد المرادي إنك اخترت صح
التسرع غلطة المحبين
حاول تاني تحب ،،، حاول
فاكر حسك صادق ،،، صعب
راجع ضميرك لما تقابله يرتاح إزاي
واسأل قلبك لو قرارك صح
الحب إهتمام وتقدير للحبيب
سؤال بحب ونظرة حنان
وتفاهم وتناغم بين اثنين
موش قسوة زمن وبعد وحنين
وحدة طبع وفكر زعلان
هدية عيد من عند الرحمن
قلب طاهر وحب صافي
مفيش شك أن يكون توأمك
اسأل روحك تقولك الحقيقة
دور جواك تلاقيه
عايش بكل معانيه
البس نظارتك وبص
شايف ايه ياقلب ،،، بص
الحب نبض القلوب
معادلة صعبة الفهم
مرة كدا ومرة كدا تتقلب عالجنبين
الكمال لله وحبك بالقلب
كفاية خناق على مفيش
جر هموم ومشاكل عالفاضي
عيش الحب شوية حب وشوية عذاب
تفرح اللي حواليك وتسعد نفسك كمان
علشان الحياة تنعاش مرة واحدة
اوعى تخسر قلب حبيبك
اسمع حبيبك وهو يقولك من كل قلبه:
حاولت إني أصلح شئ ،،، حاولت
لقيتك قافل ألف باب وباب
سبت الظروف تلعب بيا وبيك
سرقت عمرنا بعنادك وجفاك
خوفي عليك خلاني أحبك اكثر
وعشقي غرقني اكتر واكتر
ياريت تفتحلي قلبك القاسي
اهمالك ليا فات كل التوقعات
القفل فين ضاع بينا من زمان
واخترت العزلة والوحدة
وانت ولا دريان
ياما قربت منك ادور عالاهتمام
واداري دمعتي على الخد
أنا موش هي ،،، بحبك بجد
موش حخدع قلب هو الروح والقلب
لكن ياخسارة كل ما أقرب تقفل كل البيبان
افتح مرة بس حتلاقي أحلى طبيب للقلب
أأمر بس والكل سمع مطاع
جرب تقرب من غير ما تبعد
حتلاقي قدامك قلب يخاف عليك من غدر الزمان
خذ امسك أوعى يتوه منك
شاري وعمره ما ح يبيعك
شقاوة حب
حلاوة روح
وقلب فرحان
افتح بص لقلبك تلقاني جواه
قاعدة بستنى تسأل عنه يا قاسي هواه
بقلم الأديبة عطر محمد لطفي
