ــــــــــــــــــــــــــــــــــــــــ
تابوت اصبحت عازتي وكت الموت
من خلص دفن شمراني بالشارع
قبل ساعه چنت مرفوع فوگ الروس
حسبالي عزيز وصدگت طامع
يجي ويمسحني بيده خاف بيه تراب
وثمين اغطاي عن العين التبواع
وحملت اجنازته من الباب لدفان
وحر الصيف ذاكه والهوه الاسع
ماردني المكاني وگالي مشكور
انعم الله اعله المچيري ذبني بالجامع
تالي ايرد عليه الموت ما مگطوع
احملنه اجنازه الچان ماقانع
ماشيلن زعل بالظهر دگ بسمار
نوح وبالسفينه چان متواضع
تعلمت الصبر من شفت ايد الفاس
ابچف حطاب يگطع كل غصن طالع
عرفت انا اصبحت مبيوع
والشراي لو نجار لو صانع
بقلم السيد حسن رزاق عزام الصافي
