أوقات بنحس بلطافة
أو شيئ فيه بعض
من السخافه
فى عالم مليان بالبلاء
أو شوية كدب وهيافة
نكتب عنهم.. بس بذكاء
تعبير عن شعورنا
ما الشعر عظمة وكبرياء
بنقول فيه رأينا
بحس صادق.. مافيهوش رياء
مع الإحترام لكل شاعر
الشعر لو انحرف.. يصبح وباء
دا مش هيصة و مهرجان
فى زمن غابت ملامحه
وبقولها قبل فوات الأوان
كل واحد الله يسامحه
فينا اللي صان كلمته
وأهله وعرضه
وفينا اللي عاش دنيته
بطوله وعرضه
كلامنا مليان حكاوي
موجوده في كل دار
دا الشعر فن وأدب
من عقل صاحب قرار
مش حبة كلام أغاني
أو ضحك ولعب وهزار
دا علم وثقافة وذوق
وبحسن الإختيار
____________________
الشاعر احمد شوقى سلام
