كنت فاكر
إني بفهم في الغرام
وإني أستاذ المحبه
شاطر مهندس في الوءام
دكان للحكاوي
نبع الموده بركان الهيام
ما أنا كانت فاكر
إني بفهم في الغرام
وايه يعني معناه الكلام
مش لغه للعيون
في سهر الليالي
وبوح بالمشاعر
وكلمه ومعاني
منظومة فحكاوي
مغزولة فغناوي
تهواها الحبايب
وتجيب اللي غايب
يسأل علينا
يريح قلوبنا
يفرح عنينا
وندوب في المكان
مانا كنت فاكر
إن دا هو الغرام
قبل ماشوف حبيبي
ولا أتعرف عليه
واسمع نبض قلبي
بيتكلم عليه
يقربني منه
ويشوقني ليه
يجرحني برموشه
تسحرني عينيه
واما عيونه صابو
ولما عيوني دابو
لاقيتني جنب منه
وبتشوق إليه
لاقيتني جوا قلبه
وقلبي بين ايديه
شعور غمرني
إحساس وخدني
تقول مسيطر من زمان
نقول كمان
احلام مسافره
في العروق
أشعار تغني
حنين وشوق
جمله مغزاها
غنوه معناها
حب وهيام
لقيتك حبيبي
وقلبك نصيبي
عيونك طريقي
وشوقك رفيقي
ولما القلب داب
كتبنا الكتاب
وسطرنا الجواب
فرح وأغاني
محبه وموده
حلم وأماني
وبيت جنبه ورده
حبايب تهني
وقرايب تغني
وبيتنا النهارده
سكينه وسلام
ودا معني الكلام
من غير قرايه أو علام
إن دا هو الغرام
* انتهت من فضل الله تعالى قصيدتي ( كنت فاكر ) ونؤكد على أن جميع حقوقنا محفوظه وفقا للقانون مع أطيب تحياتي الأديب الدكتور محمد يوسف
