محني الظهر...گلبي انفطر
لا حيل عندي........ولا نظر
انحب واوّن كلي ألم
اتذكر.......... الماضي ابقهر
لا من محب ولا من ربع
ولا منهم لصوبي.......حضر
يا حيف ما واحد نِشد
واچماله..........ما منهم خبر
اتحسرت..ابعالي صحت
شنهو الجره .....لهاي البشر
ميّاله.. وي ميل الهوه
ما تعرف..... اشيخفي الدهر
ما تدري لو أجفه يضر
جفياته.............تكسر للحجر
اتعنيت للحايط گمت
عصاتّي.............لازمها ابحذر
اتمشيت بأجدامي اخط
اتـنشد..................المـّر وعبر
عن الجره الصاب الخلگ
وكل السِمع...............مني نِفر
نِشدي يغث..حگهم گلت
ازغيّرهم................ابـماله كبر
غم هالـدهر علـّه الردي
وللما عرف گدره.............نِصر
والـزين مهموم ويـوّن
صبره نِفـذ...........كلشي خسر
رديت واعيوني اتهمل
جرحي كبر..............نزفـه كثر
ناشدت روحي ابدمعتّي
دهـري گِصه...........لسيفه شهر
ردت عليّ..هم اسمعت
امبلل ايخـاف......... من المطر
ابكل اليجي ميـّة هلـه
الـمكتوب................ما مِنه مفر
سيد محسن الموسوي
