""""""""""
اكتب حاول لازم تكتب
وانسج من حرفك بستان
أصل الكلمة الطيبة تشطب
من عمرك كل الأحزان
صدق الكلمة تخليك تخطب
بفصاحة وفى كل مكان
وان معرفتش تكتب جرب
يمكن بكره تكون فنان
واوعى فى يوم من أمسية تهرب
خلى الجرأة تكون عنوان
اكتب حاول لازم تكتب
وانسج من حرفك بستان
"""""""""
بس تخلى الكلمة صريحة
ولا تسرق من غيرك حرف
ساعتها بتبقى الكلمة جريحة
اتشوه معالمها بخطف
الكلمة دى بصمة لصاحبها
دالة عليه ولإسمه العطف
اوعاك تسرق حرف لغيرك
ابعد عنها وغض الطرف
اكتب حاول لازم تكتب
وجود بالكلمة ونقى الحرف
""""""""""""
اكتب خلى الكلمة سلاحك
قولها بحق فى كل مكان
عيش احساسك تلقى نجاحك
وبشعور حلو تكون فرحان
أصل الكلمة سبب أفراحك
لما تكون م القلب أمان
اكتب حاول لازم تكتب
وانسج من حرفك بستان
*****""""""********
جمال على الشرقاوى
شاعر العامية
مليج منوفية
