اكاديمية ‏العرب ‏الالكترونية ‏للشعر ‏والادب

جرح الروح 

سفيرة السلام العالمي..

رئيسة السفراء 

للشعر العربي 

في سوريا 

الإعلامية 

والباحثة الإجتماعية 

د.سراب الشاطر 

،،،،،،،،،،،،،،،،،،،،،،،

ممكن تختار بأنك تراعي الظرف 

ودور على فرص لتنقذ فيها إحساس جميل ومشاعر كانت إلك حياة.. 

بتعيش من خلالها بسعادة وآمان صعب أنها تموت وتختفي...

 تجاهلك الها لح يعطيك ضغط مُحمل بالضعف والاستنكار بس لما بتوصل لطريق مسدود بعد عددة محاولات فاشله مع ناس كانت عم تصدمك بكل مره و تقطع كل شي أنت عم تعملوا كرمالها وضل تسمع صوت حالها وتثبت بأنها الصح

 بهي اللحظة لح بتحس بالفراغ وبأنك فعلاً مالك قادر تكره ولا قادر ترجع لناس قدرت تتخلى عنك بيوم من الأيام...  منحتها الكتير من الحب بدون مقابل بس الحجج والأعذار للبعد  ماكانت مقنعه حتى لطفل صغير..

إحساس صعب كتير بتشعر فيه لما بيتحول قدامك لحدا أنت كنت مفكر بأنك بتعرفوا منيح والأحلى كلشي عم تحكيه وتكتبوا أو تعاتب فيه حاسين بأنو بينطبق عليهم وهنن يلي مظلومين مو يلي ظالمين 

مفكرين الشطاره بقلب الأدوار ورغم أنو الكل شايفين الحق مع مين حاولت ترجع وتمنح فرص الهم وتحافظ عليهم وتكون حدن من جديد...

 بس البلوك يلي أكلتوا منهم  أكبر من بلوك النت يلي بتحطو وبتفكوا وقت بدك ..

بلوك الحياة وعشرة العمر للأيام الحلوه هو أغلى الشي 

بس للأسف طلعت قراراتهم السلبيه ومحبتهم لنفسهم أغلى الشي عندهم..

ولو كانوا عم بيشوفها من وجهة نظروهم بس..

القلوب إلها طاقات بتخلص 

فلا تحاولوا تصحوها بعد فوات الأوان

 

للعقول الراقيه..