بيقولك ايه القلب الجلجلة ؟
ومين بيسمع نداه ؟
فينك دبيب القلب ؟
اه ايا سر الحياه الصهللة
بيقولك ايه الفجر طير فرحان
فينه نعلمه الطيران ؟
رفرفنا جوة جناحاته....
صهللنا مع اخواته ....
غيبنا ف شروق الوداد الجلجلة
بتقولك ايه الشمس
نور العيون ؟
اقرا شروق الهمس بين الجفون
سبع بحور من نور .....
سبع نجوم بنور......
وقمراية الفضة بالشمس تتوضا
شايفينه القمر العتيق منور الخلا
....كانه جنة غريق .....
بترفرف ف طير الكمان ....
بتعزف امان ف معراج الصلا
قمر الأصالة الجميل .....
طيران يعوم ف النيل
ومعاه (الشروق المحمدى ).....
مطره منوره القمره
انسجام مريمى الشجرة
والضحكة صداها يعود
يغنيها الوجود الشروق....
بالطلع والنوار
اه يا اخضرار الرعود
جيتار يصلى ف احمرار الورود
والخضرة معراجها الصلا
فينك يا حارسنا ف نور الابد ؟
اه يا براق المجد ...
ملكات شجا الينبوع ....
فى ساعة ندى
يا شجرة الحواديت....
يا جواها البيوت......
شروق ( عنترى بالعبلة )
وقيسها) المحمدى يجيب اللقمة
..ولو متشعبطة ف النجمة
يجيب لنا الفجر
من تحت الغطا الثلجى الزجاج
...... فى عز الشتا
يصحى الربيع فى براق الصدى
يا صدرنا المفتوح مدى.....
واحنا معاه مع البكرة نعدى....
نلم الفرحة طرحة بتندى
تحكى لنا حكايات الشاطر حسن
....مرفرفانا طيور ف الشجرة
والكل شايفنا وسامعنا......
ف الهس هس هس
اه يا خيال الامس و سابق بكرة
قوم وشوش الكورس......
مع الكومبارس
يا صهللة الاغانى
اعزفينا اكسريفون
يا عود فى ايد حارتنا.....
ظبطنا فى الربع تون .....
اوراد عسل ورود زتون ...
عايز يطول الشمس......
اللى تايهة فى الفصول
عمره ما ينسى الاصول
عمره ما يتنكر.. جن مصور ..
ف ريح ...
كأنها قصفة رعود ويا البروق... جاية بتتمختر مع المريخ
كأنها الكورة عليت عند كعبي
دارت الأرض تحتى ....
فى سرها المسحور بهلوان ....
بيسابق الافلاك
كل الدنيا مع الحكمة هنا
كل الاحلام هناك.. فى الصهللة
احنا باب الخلق شهقة نغم
احنا شروق الشمس ....
مرفرف فى ربيع الأقلام علم
احنا ريشة الصبر سيف الضعيف
احنا نخيل الزهر
اهينى فينك يا ورد الرغيف ؟
تنهض زمجرة مزهرة....
ولا ف التمنى
فى شجوة الفرسان
أطلق لجام الركض
افردوا وشاحكم بروق
من الشروق الوردى
الساحر المواويل بزادنا
للشروق المحمدى
فوق سماوات بلادنا الهدارة
العروق بالسحر
أنا شوقك المحموم
مسابق الاحلام لبكرة
ويا بروق الفجر
شعر بالعامية
د / جمال محمد علي فرغلي
مصر
