""“""""""""""
نمت بحضان الغريب
وجايني ادور امان
شهل وكاحه البيك
يامرز الدنان
اسرج اعيوني صبح
ولچم اجروح القوافي اعله اللسان
وخلي شيطان الشعر
يركب حصان
يفوع غيض اليستحي
اويرخي العنان
اومازح الشفه بضوه الله
وعلگ اشموع الجنان
بكل صواني الطايفه ماتتلي شمعه
اوخضرت گصبة رزان
ونبلج خيط الفجر
ماعرفت اشبيه من صاح الاذآن
تفرقت عني الاخوان
اسكت اشصاح الاذآن
وانه مابين الحلم واليقضه اركض
عوفه عوفه لا تدور عالجبان
الشمس طلعت عالحرامي
اوطلع حگنه وبان بان
هناك واحد من بعيد
صاح كضيتو الي خان
سلمت امري الربي وماكو غيره المستعان
،،،،،،،،،،،،،،،،،،،،،،،،،
سلام المرياني
