-------------------------
الهوية مبدأ و نهج و مبادي
مش كتابة على ورقة و شهادة
الهوية إنتماء لأرض جِدّي
لوطن و بكل إخلاص و إرادي
الهوية مين أنا و لمين بدي
وفائي و إنتمائي يكون بادي
الهوية موطنك في يوم شِدّي
ان نداك تقول جاهز للمنادي
الهوية إن كان مرجعها بيودي
لوطن تاني. ما في منها استفادي
الهوية بوقت راسك عالمخده
نايم في هناء و في سعادي
الهوية. و حلمك العطرو المندي
وطن ناشر على ترابو السيادي
الهوة شو ما مِنورِّث موده
مش هي شو بتعطينا إفادة
الهوية ما بتتجزأ لعده
من الأقسام شكل و إنفرادي
الهوية مش شخص بيكون جَدي
و شخص بيقول واقف عاحيادي
الهوية ضادها اللي مستمدي
من القرآن إعجاز و رِيادي
الهوية يا لسان الفخر وَدي
العروبة سلوك عمري و إعتقادي
الهوية قبال مِن بيكون ضِدي
ضِد عروبتي. السهم الرمادي
الهوية كرامتي و فيها تحدي
بوجه الطامع و كل الأعادي
الشاعر د. علي مسلم عجمي
لبنان
