الشاعر صبرى عبد الواحد الحساني معلم بمدرسة الإصلاح الزراعي بنجع حمادى سابقآ محافظة قنا جمهورية مصر العربية
خبر سعيد حصرى وجديد
خبر سعيد حصرى وجديد
للى عايزين يحبونى
خلاص قلبى بقى فاضى
الزيارة مسموحة زورونى
هتلاقى الباب مفتوح
اكون سعيد لوشرفتونى
خلاص طلعت من قلبى
كل اللى كانو ببنافقونى
والقلب خلاص بقى فاضى
ما بقيوش بكدبهم يشغلونى
القلب ما فيهوش حبايب
بسرعه يلا الحقونى
غربلت اللى كانوا فيه
ما لقيتش فيهم ينفعولى
خاين وغشاش ومنافق
بالحب كانوا يخدعونى
وانا اللى قلبى مليان
بالحب للى يعرفونى
قلبى مفتوح وفاضى
مستنى اللى ياجونى
خبر سعيد للحبايب
اللى يستاهلونى
قلبى فضى خلاص
من ناس كانوا بيستغلونى
بالحب دخلوا قلبى
وشلتهم جوا عيونى
اديتهم كل حبى
ومن حبهم حرمونى
بروحى كنت افديهم
وفى ضهرى كانوا يحفرولى
أتاريهم طبع خسيس
ومش دوله اللى يلزمونى
خسارتهم مكسب ليه
وفى بعدهم يرحمونى
أنا اللى قلبى ابيض
ومن طيبتى استغلونى
لكن ربك كبير
جرحى داواهولى
أصبحوا ماضى ونسيتهم
من قبل ما يحطمونى
ربك كريم جبار
تارى اخدهولى
اللهم ابعد عنا كل حاقد وكل حاسد وكل منافق وكل صاحب سوء وكل من قوله غير فعله
اللهم املأ قلوبنا بحبك وذكر ك وحسن عبادتك
اللهم اجعل احبائنا لله وفى الله وأصدقائنا لله وفى الله
وأعمالنا لله وفى الله
اللهم ابعد عنا وعن طريقنا من لا يخاف الله
أمين أمين أمين يارب العالمين نحن
