******
هو مين
هو. ايه
هو كان فدان مربه؟
قولي مالك ايه ياشابه
كان ممرر،، زي حلة
محشي سايطه
كان مفرعن ايوه ارعن
زي توب م الشمس شايطه
دانتي حتي يوم وداعه
الخدود إتوردت
والجمال زاد كام قيراط
الاماني الحلوه هلت بدرت
وإنتي بتنزي ف عياط
الأكاده انتي مش
حاسه بنفسك
والا صوتك والا،،حسك
والا رسمك والا،،كسمك
انتي عود والخد مرمر
انتي فاكهه عليها سكر
كاس حنان مليان مشبر
يروي كل العطشانين
دانتي سلطانة زمانك
تؤمري والكون يلبي
انتي دا ،،الباشا عشانك
يحفي ياختي،،حتي يحبي
دا انتي طبقة زبده
ساده
عطر متعبي ف
سعاده
انتي خال عا الخد
يخيل
انتي حلوه جمال
بيخبل
الف مين ييجي
يحمل
مش عويل واسمه
حماده
الف مين ييجي
وناوي عا الجواز
وانتي اهلك ناس عزاز
دانتي بيتك صبه راسيه
يعني مش بيت من قزاز
يسري عثمان
