شفت البحر وشفت مواجو
قلت نجلس ونستمتع بسكاتو
رميت الدمع وسط أمواجو
وسكت قلبي وما بان نبراتو
الريح تسول آش جابك ليا
جاوبتها العين وبْكَت ذكْراتو
قالت لي الحب ماشي بيديا
خان الوعد وزاد فغياباتو
بنيت الحلم فوق الرملة
جا المدّ وجرّ معاه خطواتو
بقيت نرسم وجهي فالموجة
وتمسحو دمعة من نظراتو
يا بحر، شهدت آلامي
وخبيتي فصدرك آهاتو
قولي ليه راه نسيت النوم
من اللي مشى ونسى لحناتو
بكيت الليل وسهرت نجومو
والشوق فقلبي شاع ضيّاتو
كل ما نقول نساه ويروحو
يرجع طيفو ويزيد آهاتو
قسيت الدنيا فغياب حْنانو
وضاع العمر فصمت حكاياتو
يا بحر خبّي سري فموجك
راه قلبي مات فحبّو وممّاتو
ضاع الحنين ومات فحسراتو
وانطفت شمعة العمر بآهاتو
كل شي تبدّل بعد غيباتو
ما بْقات فرحة، ماتت لحظاتو
بقيت نبكي فصمت ليلاتو
نْسج فالألم آخر كلماتو
ندعي نْرتاح من خُطياتو
وسكات البحر دفن ذكْراتو
بقلم الزجال حسن السريفي
