كلمني قلبي عليك
النبض قالي شاريك
وعيوني قالو كلام
من يومها والله مانام
متقولي فين الاقيك
ولا انت غاوي دلال
ما انا برضه ناوي حلال
شاورلي حتى بنظره
معناها اشوفك بكره
او حتى قول في الحال
حتلاقي شوقي طار
وليلي دخل في نهار
من بدري جنب الباب
هيمان بنادي احباب
ياريت يردو جواب
محلاها عتبة باب
نقيد افراحنا شموع
خلاص مبقاش موجوع
القلب رد شباب
والنبض قال أحباب
حكايتنا زينه وحلوه
حروفها تكتب غنوه
انغامها عود وعطور
لو تجري تملي بحور
أمواج تروح شطان
تروي شوق ظمآن
للحب صالحه زمان
وحبيبه رد عليه
وف داره قال غناويه
أنا قلبي ملك ايديك
من يومها دايب فيك
* انتهت من فضل الله تعالى قصيدتي ( دايب فيك ) ونؤكد على أن جميع حقوقنا محفوظه وفقا للقانون مع أطيب تحياتي الأديب الدكتور محمد يوسف
