شافو الضو فـ عين الظلام
عطاو الكذابْ تاجْ الهيام
لبسو العيبْ فـ حلّة ونام
نسْيو الحيا و فاقْ الملام
اللي سرقْ ركبْ فـ السحاب
و اللي عطى، زادوهْ عذاب
اللي صبرْ، حطّوهْ تراب
و اللي غوى، قالو شْهاب
الزينْ تْباعْ فـ بابْ السوق
و العقلْ ماتْ فـ حومة الشوق
اللي خدمْ، ما لْقاش الحقوق
و اللي لعبْ، شدّ الصندوق
اللي نْطقْ، سْكتوهْ قْبال
و اللي سْكتْ، شدّو الجْبال
الجاهلْ ولى فيه المثال
و العاقلْ عايشْ فـ ضلال
الخيرْ تخبّى و الشرْ بان
و الخوفْ يسكنْ فـ كلّ مكان
الصدقْ يضيعْ وسط اللسان
و الكذبْ ولى فـ الميزان
الوقتْ جرى و الحلمْ طاح
و الصوتْ الحرْ ولى نْباح
اللي بنى، دارُه تْلاح
و اللي خربْ، ولى فلاح
العيبْ ولى فيه الوقار
و الكرمْ مشى مع الكبار
الولدْ نسى حنان الدار
و الأمّ ضاعتْ فـ الانتظار
الحقْ تْباعْ فـ سوق النفاق
و الصّمتْ رجعْ فيه الميثاق
اللي قرا، قرا ع الفراق
و اللي هربْ، عاشْ فـ انسياق
الوردْ دبلْ فـ كف المساكين
و الزيفْ تْفركسْ بالياسمين
النيةْ ماتتْ وسط الجبين
و الخوفْ سكن وجهْ الطفّلين
يا سامعْ الشكوى فـ الكلام
راه الزمانْ ماشي هو لْمام
الحقْ تْغربْ وسط الزحام
و اللي بغى يعومْ، خاصو السّقام
النية كنزْ، ماشي سلام
و القلبْ الحرْ ماشي غلام
خلي الوقارْ فـ كل مقام
و احفظْ لسانكْ منْ الملام
ما بقى وقتْ نعيشو فـ الوهم
اللي عطى النورْ، يستاهلْ نْحَمْ
و اللي خانْ الأرضْ، يْبقى نْدَمْ
و اللي شافْ الظلمْ، يقولْ "حرامْ
الزمنْ شاهدْ و الحقْ كلام
و الزجلْ باقي، ماشي حْلام
نْخلي بصمتي وسطْ الأيام
و نْقولْ للناس: "الصبرْ سلام ،
بقلم الزجال: حسن السريفي
