.......................
كلمات/الشاعر أشرف ثابت جوهر
رفعت رأسي
وعيني اوية
سالونى ليه عينك اوية
قلت لهم عفوا
ماهو ده طبع الاسكندرانية
والمرسى ابو العباس
رجولتنا هى الأساس
من القلعة للمنشية
علي شط اسكندريه
نتمشي في العصرية
ناكل درة مشوية
أنا وحبيبي ياناس
نتغدا بوري ومياس
ونركب الحنطور
وأبو العباس نزور
أنا واد اسكندراني
ايووووه ومعجباني
البحر عشقي وغرامي
بيرم التونسي سبقني
وقال عنها دى عشقي
والشيخ سيد درويش
في فنه متلقيش
عشقوكي يا اسكندرية
ياللي ترابك مارية
دا هواكى يرد الروح
وعلاج لكل الجروح
جبران خليل جبران
عشقها من زمان
كتب احلي الاشعار
في المكس ليه قصايد
وبيوصف المصايد
ايوووو ياناس علي حبها
طول عمري عاشق أرضها
دى ناسها اخر تمام
كرمهم مفهوش كلام
بحبك يا اسكندرية
بحبك يا اسكندرية
بحبك يا اسكندرية
