افتكرتك يوم حبيبي
كنت فاكر انك هوايا
قلبي قالي انك نصيبي
نبضي قال فرحي ومنايا
عشت يومها فرحه حلوه
كتبت فيها أحلي غنوه
ابياتها تحكي شوقي ليك
انغامها شاديه بتناديك
تقول حبيبي والله غالي
جوا قلبي مكانه عالي
هوا فرحي وامنياتي
قلبه ملهم احساساتي
شوقه طرح اغنياتي
كان رجايا يحس بيا
نظره واحده منه ليا
كلمه حلوه بصفو نيه
قلبو قاسي ماحسنيش
فكره شارد كأنه ريش
تملي سارح يا قلبي عيش
في بعده تسلم والحياة
دروس تعلم أنين وآه
بكره يسأل عاللي فاته
يومها يبكي ف ذكرياته
بكره يندم طول حياته
سيبنا منه ومن لوماته
بكره لينا يوم جديد
حبيب يجينا كأنه عيد
عينيه جميله وفال سعيد
يومها نفرح في الحياة
نقول حبيبنا وغيره لا
كمان ونشكر الإله
* انتهت من فضل الله تعالى قصيدتي ( افتكرتك ) ونؤكد على أن جميع حقوقنا محفوظه وفقا للقانون مع أطيب تحياتي الأديب الدكتور محمد يوسف
