................
تعاله واهدي ياخي
واسعى ف الخير زي الضي
نقعد مع بعض شوي
نصفي النفوس ونتصالح
نزيل كل خصام كان بينا امبارح
نمسحه بالاستيكة
مع بعضنا نبدا صفحة جديدة
وتكون ورقتها بيضا نضيفة
بقلوب طاهرة عفيفة
ميشوهش ملامحها اي شي
قوم بقا ياخي
وخلي قلبك كبير بقا وسامح.
مد ايدك لاايدي بالخير صافح
ماتقولش حصل و حصل وحصل
انسي اللي كان بينا امبارح
وتعالة لقلوبنا نصالح
هو عمرنا فيه كام ليلة ويوم
نعيشه فخصام وعتاب وكلام جارح
تعالة وخليك فارس زين
راكب حصان الخير وبيه جامح
وخليك واد خيال اجري للخير اميال
مايهموش لو شاف اهوال
طول ماهو ف الخير ساعي
وللاصول بيحافظ ومراعي
تعاله وماتشمتش فينا شيطان
ف الاول والاخر بخصمنا
هو المستفيد كسبان
عشان يبعدنا عن بعض
ونعيش علي طول اغراب
ويفضل مابنا ب الشر ساعي
بقلم عبد المنعم مرعي
