الرايس قصتنا أقديمة انزيدو انحلوها بكليمة إلين تحلى وتزيد تحلى
البوهالي
______
واحد البوهالي مبغاتوش مرتو
كانوا ساكنين في تراب رب العالمين
مرةهاك مرتين ماشي هكا
سير يا حال وتعالى يا حال
ولدهم أكبر وتجبر وتقوله
يماه أباك مبغيناه
إبعدنا محملتوش
ميبغيني ما يبغي أهلي
يعطيني فين نسكن
ولحوش اكبير
كلها الله إلقيه الخير
اطفل اعيا فيها يتحلل
ولين قالت ليه خليني نرحل
ما نبقاش معاه
لهلا إحوز حد على حدا
بعدي أيامات الشدة
كان البوهالي ناسي راسو
ما عرفش حتى ناسو
حاس ابخاطرو متغير
معرف لصاري ليه
أمشى عند شوافة
لكانت بكري حفافة
وحكى لها واش لبيه
قالت زد أصبر خلي
ولدك يكبر يتزوج
يعرف راسو من رجليه
راها غير أمنتو أتوري فيه
زادت لعوام ولبوهالي
في تخمام
ماعرف راسو من رجليه
هي متلات تسمع ليه
باغا غير هلها
وعمات لها الجرية
والملايكة منها متبرية
ساخط اعليها رب العالمين
كتزوج ولد البوهالي
قال أندير لفبالي
زيدون الوليد حتى مرتي ما تبغيه
كتعده أموسوس
وخلق التفاهوم
كل شيء أصبح معلوم
قال لباه اكحز الهيه
أشحال أضحك البوهالي
قال اقليل ليجرالي
الولد يشبه اليماه
حتى هو باغي الهيها
وتلا على أمنتو إدافع
والله حاضر سامع
قال البوهالي نخرج من داري
ولدي اعليا جاري
ومنتو اعليه أداري وخا
كل لدارتو ليام ابغيتو
قالتها ليا الوليدة
ولين راها ابعيدة
وعلاش نحماق لمحبة مه بسيف
عزلوه البوهالي
ماشي غير هاذ المرة
اشحال من مرة يغسل وحدو
إصبن لاهي ولا مرت ولدها
تحشم وتقوله حيد اعليك حنا
انديرو هاذ الشيء
لوكان ما ظروف
مايصبح كل شيء مكشوف
أيوى هاذي مرت أرضا
ولدها مرضي شاعل قادي
إدير واش إرضيه
الله يا ربي ساعة زينة
من عند الخالق
خلات البوهالي يرفد فكفافو
ولا من شافو
جاد اعليه ربي بمرا
اتخاف أعليه
سكنت له في عينيه
دارتو في القلب
متخليه يغضب ما تهرب اعليه
مه معاندة مترد أعليه
ماشي كمرتو لولى لتشبه لمها
فات عام
زاد عنده ضيف من لسلام
كل مرة إسلم أعليه
ومنين أكبر اتلات كل بنت تتمناه
وتزوج من مرا
معروف أصلها كلها عارفها
وتهلات في البوهالي
عرفت واش بيه
اهل الخير البعضيتهم
سبحان مول الامر
إجيب لهنا وستر
والبوهالي ربي ميعريه
مول الخير ونية الصافية
ربي يحضيه
هذي امحاجيتي لكم
والحجاي على سبعة
وحنا نقصو ربعا
ونقول الزين وثباتة
ولحجاي على اثلاثة
_____بقلمي: محمد وهابي ولد عمار
______في:١٩ أوت ٢٠٢٥
