كلمات شاعر بني هاشم
الشاعر صبرى عبد الواحد الحسانى
رأسك ما توطيهاش
نصيحة من تجارب عمرى
رأسك تحت اى ظرف ما توطيهاش
لا فى بيتك ولا بره بيتك
لو وطيتها تانى ما هترفعهاش
ما تقولش وطى للريح تعدى
الريح قاومها ما تنزللهاش
الحياة عايزه الشديد
ويكون قوى ما يستسلملهاش
لو وطئت هينداس على رقبتك
وغصب عنك ما هتمنعهاش
الحياة هنعيشها مرة
عيشها صح ما تهينهاش
قاوم ثم قاوم ثم قاوم
الكرامة مش ببلاش
نصيحة عن تجارب وخبرة
من ناس عاشرتها وناس ما عاشرتهاش
قالوا الرجولة ما ليهاش حدود
والفرصة لو جاتك ماتضيعهاش
نصيحة من صبرى وخبرتى
تحت اى ظرف رأسك ما توطيهاش
