تهت بين الصوالح وسحر الكلام
ضاعت خطاياي فـ بحر الهيام
ما بقيت نعرف هاد الزمان
واش زمن الصحاب ولا زمن الأوهام
كلشي تبدّل، تبدّلات الأيام
قْلوب حجر، ما ترحم لا سلام
اللي كانو عزاز، وْلاّو خصام
واللي كانت فيه نخوة، وْلاّ كلام
لكن وسطكم حسّيت بنظام
ريحة الزين، وهضرة بلا ملام
للشعر ناسُه، وْليهم احترام
وْلي يحضر معاكم، يسْلم من السقام
الحرف عندكم ماشي كأي كلام
كيهز القلب ويدّوز الأحلام
يسري فالعروق، ويحيي العظام
ويْسافر بين الحنايا بلا زمام
الدوالي كتحكي، ماشي قدّام
حروفها مطروزة كيف الحزام
فيها عشق، وفيها سلام
وفيها فراشة بين الزهر تنظام
وسحر القصيد ما يتداوا بْهام
لا فقيه ينفع، لا شي تمام
يعلقك بين السطر وْينعام
ويْخليك هائم بلا حسّ ولا ملام
بقلم الزجال حسن السريفي
