ضــــاع الصدگ كلش ضــــاع ترتيبه
ضــــاع الصدگ كلش هـل كلاه الثور
ومـــــن ياراس بيهم ناخذلنه الشور
خلينه الحــــرامي عله السلف ناطور
فـــــرهد قوتنه باگ وتــــــرس جيبه
مـــــاي بـصحن وياكم اضل جندوب
اداريكم هوه وشمعه وضرف مكتوب
تـعال اگعد وخل افـرش شليل الثوب
شلك عنـدي وعليه مـــربــــــع نجيبه
لتـصدگ اجيــك واعتــــــــــذر منك
لاهـــــــذا بعيد وكـــــــطنه من أذنك
اشلعـها وعوفـني وأگطع بـــعد ضنك
يــــــرد الماي ويعود أبـــــمساحيـبـه
متـرهـدن بــهدمي أبـيض نقي الثـوب
مو طبعي استغيب واجني بس اذنوب
انا ربـــــعي تــعرفـني وللخلگ محبوب
الاعـمـاره الاصل والكــــــــــرم والطيبه
تــعالــــوا وياي جــابلني علـــــــى بلواي
مـن حلگ الحيايه اصبـح نجيـــع دواي
صرت مثل اللي يصعد على العلوه الماي
بـمنخــل والعـصر شارف علــــــى مغيبه
مــــــن طرة الفجر حد ساعة المغرب
وصاحبـنه علـــى هاي الحاله متعذب
يـــواعـدهــم وابـشرو عليهم يچذب
وبــعد عـــن ناس مطليــها ملاعيبــه
اليـعـثـر بالـحـجـر مـــــره الـعـذر مقبــول
ايش ريك باللي يعثر كل سنه وكل حول
نـــركــض ونتـطافــر مـن يجي المسؤول
ونصـدگ بـحچيـه وفـــــــــــعل ترتيبه
عليـــه بالعافــيه ماطــــول كلها تبوگ
والـيمدح السوگ الرابــح البـــل سوگ
مـو مــــن بـطر ارگص والنبي مخنوگ
اجـــر النفـس گـــوه وتحت تــــعذيبه
عليـنـه شـوكـت تـلطـف يـا اله الكون
اشو ياهو الي يجينه يلحس الماعون
حلفـــــو مـــا نخون وطلعو ايخونون
حنثـــو بـالقسم يـاعـظـم المـصيـبــه
اجـلبنـك يـاليـلي ثـنـعـش تـــجـليـبـه
حــــــــــ النواظرلــــــــم.
