عيش حياتك
شعر هاني الحداد
عيش حياتك واحلم
بكره اللي جي أفراح
ثق بربك تسلم
وتهدي أي جراح
خدت إيه من الزعل
غير إنشغال البال
خلي عندك أمل
في مغير الأحوال
دا العسر بعده يسر
والليل في آخره صباح
لون حياتك بهجه
وبريشه الفنان
وغني بأي لهجه
واعشقها بالألوان
تعيشها ليه مهزوم
دا كل شيء مقسوم
إرضا بنصيبك تكسب
والضيق هيبقى براح
خدت إيه من الزعل
غير إنشغال البال
خلي عندك أمل
في مغير الأحوال
دا العسر بعده يسر
والليل في آخره صباح
عيش حياتك واحلم
بكره اللي جي أفراح
ثق بربك تسلم
وتهدي أي جراح
إرسم ل الفرح سكه
وافتح ليه البيبان
علي صوت الضحكه
في القلب والوجدان
تعيشها ليه مغلوب
دا كل شيء مكتوب
ارضا بنصيبك تكسب
وتفوق قوي وترتاح
