( لما قلت )
بقلمي جمال القاضي
أنا لما قلت قلبي حبك
ساعتها بس قلبي دق
وخوفت ليه لما قلت
خوفت بس يسمعها غيرك
ويقول دا قصد قوله
ليا بس ومش لأي حد
قلت أخفي قولها عنك
وبيني وبينك لما أقابلك
أقولها ليك من غير كلام
من اللسان بنظره مني
ومن عيوني وقلبك إنت
يفهم مابينا والنظره تبقى
للكلام بقصد واحد ترجمان
ولاغيره قصد يكون بحبك
أو تلقى معنى أو حتى ضد
أقول بحبك وتسمعيني
وأحكي ليك عن كل حاجه
ووعد مني كل كلمه تبقى سر
ويسألوني عنك تبقى مين
أقول حبيبي وكل شيء فيه جميل
وكل شيء من صفاته شايفه فيه
سماء وصافيه وهو فيه زي بدر
وبيسألوني عن صدق قولي
وإيه دليلي عن كلامي
قلت شوفوا حروف كلامي
والحب فيها بكل معنى بيه يعبر
عن صدق قولي من غير خيانه
للحقيقه أو سراب أو حتى كذب
وبيسألوني أيه كمان إحكي لينا
قلت عنك لما أغيب شوق بقلبك
بيناديني وبعد ثانية تلقاني جنبك
وتسألني عن إنشغالي بالفكر ليه
أقولك كان إنشاغلي بالفكر فيك
لأن إنت في كل حاجه وفيها شايفك
وأحس بيك من زمان لأني عارفك
عارف بأيه تقصد عيونك لما أشوفها
تقصد تقول من غير كلام القلب حبك
وإنت عارفه إني أحبك وجوه قلبي
تلقى إسمك جنب إسمي من زمان
بحبك إنت ولا حد تاني لساني له
ينطق لإسمه أو يقوله بحروف كلام
بقلمي جمال القاضي
جمهورية مصر العربية
