سر بيتك احفظيه
أحفظوا أسرار بيوتكم ليه
تخلوها فى كل بق لبانة
تزعلى من جوزك تجرء
على الفيس تحكي الحكاية
ليه تخلى الجميع يعرف
حكايتك من البداية للنهاية
اللى تشتم واللى تشمت
والتالتة هتزيد فى الرواية
والبشر يتسلوا بحكايتك
وتبقى مسخرة واخر هيافة
الخلاف بينكم يوسع وتخرب
بيوت مفتوحة وعمرانة
الأمور تتحل ما بينكم انما
فى العلن جرسة ومهانة
نشر أسرار بيتك يا هانم
جناية وجريمة وقلة رباية
الشاعر عبد المنعم حمدي رضوان
