لما بتطبش
ولما بتطبش بتفركش
ولما بتطبطب بتفرفش
ولما نتمرد تمرضنا
ولما بنهاود بتعشش
لما نفهمها بتفهمنا
ولما بنلومها بتلومنا
ولما نصدقها بترشرس
طبعلها حامي زي
الشطة
بتلطلط فينا مليون
لطة
ولما بننوي نعطعط
عطه
تفرد في عضامنا
وتكشكش
قلبها فل وزي القشدة
مهياش قرعة وتعمل
مشطة
لكن لو نستهتر بيها
معاليها تقزقز وتحبش
سهله وصعبة رايحة
وجاية
ساعة مهاودة ساعة
عنادية
بتقلوز طرابيش افندية
وبتقطم ضوافر بتخربش
ولما بتطبش بتفركش
ولما بتطبطب بتفرفش
وهاتها جمايل يارب
شاعر الحارة المصرية
صلاح سليمان
