عابر سبل
-----------
بقلمي - عادل عبد الرازق
----------------------
إكسريني فوق الدروب
وارميني تحت الغروب
عصفور كسير زيّ لوني
تحت المطر عاشق يدوب
أنا أصلي ماخترتش سكّتي
أنا أصلي مادريتش بخطوتي
ولا كانلي تجارب ويّا القلوب
إكسريني فوق الدروب
وارميني تحت الغروب
وما تندميش
وقولي كان عابر سبيل
عدّا الشوارع
وضاع ما بين المستحيل
وقولي ده حكم القدر
وقولي ده كان له مكتوب
إكسريني فوق الدروب
وارميني تحت الغروب
أنا عمري ما عشقت غيرك
ولا عشقت يوم غير عيونك
ورسمت شكلك وملامحك
ورسمت في عيوني لونك
لكّن عشقي كان خطايا
لكّن عشقي كان ذنوب
إكسريني فوق الدروب
وارميني تحت الغروب
وان يوم سألوكي عنّي
قوليلهم ماعرفوش
وان يوم لمحتي ملامحي
قولي ماشوفتهوش
عابر سبيل وانتحر
عابر سبيل وانكسر
ولا غالب ولا مغلوب
إكسريني فوق الدروب
وارميني تحت الغروب
طول عمري في عشقك
عابر سبيل
طول عمري في دروبك
عابر سبيل
لا قدرت أشفى من هواكي
ولاقدرت إني أتوب
*****
)))عادل عبد الرازق
