(((علمونا)))
علمونا الوحدة قوة
علمونا الفرقة ضعف
من زمان منذ الصغر
وهما نازلين لينا شرح
الوطن العربي دا أمة
مش ينفع تفتيت ولا شرخ
م الأقصى للأقصى
حكاية
كتلة متماسكة كالصخر
لما كبرنا فهمنا الوضع
كل كلامهم كان لينا كدب
حتى المنهج كان مش صح
كل الأقلام جفت نصح
والواقع المر بيلزم
أي حقيقة لازمها المسح
والأمر الغربي يتنفذ
بكل حروفة زي النسخ
والشعب العربي من الظلم
شاطر شاطر أوى فى النزح
والحكام كلك فى أجازة
مش فاضيين من كتر الفرح
أفلح شيء عندهم الكورة
وأخر الماتش تتم عداوة
أية تتوقع مين هيسجل
مين يتوقع ضم الجرح
مين هيغير مين
ع يبدل
يافلسطين طال فيكي الشرح
سوريا أبية
مهما يهرول كلب جبان
يتمنى سقوطها
فى الجولان راح نزرع شجرة
وعنجني من إثمارها الطرح
وبعيد ع الخونة الأندال
وطنا ما ع يمسة القرح
هيا قضايا مالهاش عوزة
تتفبرك واحنا بنشيل
بعد ما كنا احنا الأسياد
دموعنا تغرق مناديل
أما السد لازم
يتهد
وياخد على رأسىة المسكين
فاكر إنة وقت الجد
يتحمل نار الباركين
بنقول بس يراجع حالة
داخل ليه عش الدبابير
قلم
نبيل عبد الحليم
٢٨/٣/٢٠٢٢
