.........حكايتي..........
كلمات يحيى العبادي
=============
حكايتي معاك حكايه
وقلبي خلاص انجرح
وصلنا كدا للنهايه
والجرح هد الفرح
ماتقولش الحب باقي
ولا لسه فيه نصيب
مهما كنت ملازمني
مش باقي بقلبي حبيب
انا كنت وكان وراح
والوهم خلف جراح
ومهما كنت عاشق
الخائن مالوش سماح
حكايتي كنت الحكايه
وعشقتك من البدايه
ووجعني الجرح منك
وصلني اكتب نهايه
انا مش بحكي وخلاص
انا حرفي ليه أساس
وقولت اكتب سطور
عن جرح كبير ياناس
طب قولي ازاي هاتعرف
وبعدين تحكي عني
وانا قلبي عايش بجرحه
والدمعه مرسومه مني
والدنيا بقت بتحكي
وتقول عن الجراح
وعيون من القسوه تبكي
وتندم علي الي راح
العشق لو فيه خيانه
عمره مايقبل سماح
خليك صاين عهودك
خلي الضمير سلاح
