mardi 28 juin 2022

الأسامي والعناوين

لا عايز أعرف أسامي
ولا عناوين
أنا عايز أعرف التاريخ
ما بين سنة سبعة وستين
وسنة ثلاثة وسبعين
وطوابير من جثامين
الشهداء عالبلاد نزلين
ورفات شهيد مدفون
فالرمال بعد ما دمه سال
ودموعه عالخدين سايلين 
وجواب لإبنه في الجيب الشمال
كاتب له حقق أنا إستراديته    
قولوله عايزه يزرع ويقلع
وساعت العصاري يفرش 
حصرته وشوية شاي فالخمسينة
على صوت  ثومة 
وهو قاعد قدام بيته
وعينيه مش جايبة
أخر غيطه 
لكن لا زرع ولا قلع
ويارتني ما رأته
باع الأرض ومعها كمان بيته
ولاكن يا ريت ما دمي سال 
وكان أهون عليا أشوف موته
واشوف جثمانه من الجثامين
وساعتها لكنت هسأل على
أسامي ولا عناوين 
أسأل سؤال واحد
إزاي سنة ثمانية وأربعين
تعدي سبعة وستين
وتعدي ثلاثة وسبعين
وتيجي سنة إثنان وعشرين
وعجبي
          بقلمي/عبد الحفيظ جابر شيبه

« الفراغ النفسي.. أسبابه وعلاجه » معظم الناس أصبحوا يشعرون بالفراغ... ليس الفراغ من قلة العمل... إنما يشعرون بالفراغ الباطني.. بالفراغ ال...