سكين الغدر
(باللهجة
الدمشقية
المحكية )
بقلم
سفيرة الشعر
العربي
في سوريا
الإعلامية
د.سراب الشاطر
--------------------
مليت جرحك يازمان
بطعم الخيانه طعنت القلب بسكين الغدر وضعيت كل الآمال..
فكرتك سند بوقت الشده
طلعت وهم وسراب ..
وتركتني عند أول مفرق وطريق
وقلت سلام ..
وكأني ماكنت يوم بحياتك أغر الناس ..
الحب عندك وعد مرسوم بالغش والخداع
عايش بزمن المصالح كرمال ترضي حالك
وتغرق بالمال
المشاعر عندك وسيله
مصيده بتلعب من خلالها على الوتر الحساس
بصور ملونه لإنسان عايش بقلب نضيف بزمن كلو ذئاب
بعدو مفكر أنو الطيبه موجوده بوقت الكذب وتمجيد الذات..
وفجأه طلعت بدروا متل الملاك سلمك قلبوا وفكروا لتلعب فيه وتمرح متل الشيطان ماتوقع يجي اليوم لتقول الو أنو اللعبه انتهت وصار وقت الفراق ..
هون بس حس
شو صعبه تموت المشاعر قدام شوية مال
ناس عايشه لتحلم وطير
تغرد بالحب متل العصافير
وناس عم تنهش متل الغربان
بتوب البراءه وجواتها تعبان
حقيقة شو صعب ينكسر قلب بسبب الطمع
بس لازم الو ضربه تقويه
وتعرفوا قانون الحياة
وانو البقاء دوم للأقوى
لهيك كون أنت الأسد
وخوف الصياد
أنسى قلبك بوقت ضاعت فيه القيم كرمال المال ..
تعامل بفكرك لائنو ياصاحبي الحياة كلها مطبات
والشاطر يلي بيمر
والبريئ بيضل عم يتألم
بحسره وآه ..
-----------------
من ديواني الجديد
أحاسيس دافئه
