#عروسةالبحر.
بقلم/
#سولافابسيوني.
يا بنت الايه يا جنية
يا خاطفه قلبي وعنيا
يا لعبية وشقية
يا حلمي يا كل امانيا
يا عايشة بنبض جوايا
وساحرة كل لياليا
يا أميرة جميلة أوصافك
يا روح تترد لي فيا.
شعرك مسافر
من غير حدود
وأجمل مافيكي
احمر خدود
ورمش سارح
إسود وجارح
ياعيني على
سحر الشرود.
مترصعة بدر وماس
وحباكي عيون الناس
لما يشوفوكي كدا
قصادهم بيحسوا
أجمل احساس.
التاج على جبينك
عالي
أحجاره كريمة
م الغالي
وضيه مع ضي
النني
بيمحى كل اللي
ف بالي
أنا حضني مفرودلك
فدادين
وليلي يضيع في
تفاسيرك
يا عروسة بتوب
من الفضة
وعرش القلب
دا أسيرك
يا صوت رنان
وحس حنان
بيدوب معاه
موجى ف سيرك.
يا عروستي وملكة
الأحلام.
ف القلب هيكون
مين غيرك.
