احنا الصعايدة
من ديوان حكايات الصعيد
قصيدة بالعامية
اصول وعادات الصعايدة
احنا ولاد الجبل والزرع الأخضر
والطين والأرض وأسأل لو ما تعرفنا ش
عاداتنا وتقاليدنا عادات وتقاليد عالية
زي طرح النخل فى الباردة ما نستناش
والعلم والأدب والاحترام عندنا أساس
والتاريخ والزمان شاهد إحنا منقولهاش
والشجر لو طرحه مال نقطعوه
لأنى احنا فى الحال المائل ما لناش
عندنا مشايخ الأزهر وعندنا الكتاب
لكن الديسكو والكباريهات ما عندناش
صح إحنا فى المسخرة والسخرية
والنكتة الباردة والتطبيل ما لناش
لكن فى الاصول والكرم والجود
والمقام الرفيع بعيد عننا ما يتلاقش
ولينا فى الأدب حكايات فى الشعر دواوين
فى الحكم غير حكم العدل ما نرضاش
احنا الصعايدة إحنا الصعايدة فخر لينا
والعيشة من غير أرض الصعيد مانقبلهاش
صح البلاد كلها ولاد ناس لكن إحنا
على ما طلعنا شوفنا اباهتنا وجدودنا
على الحال المائل ما عودوناش
شوفنا خير بلادنا وعز أراضينا وتربية اهالينا والطبع الحامي والعيشة الناعمة ما نحبهاش
إشراقة
اباهتما تعنى. آبائنا
وجدودنا تعنى أجدادنا
الباردة .... الأمر الذي لا يرغب فيه
وفى اللغة القبلية اخر الكلمات يضاف حر الشين
ما لناش...ما لينا
نحبهاش.... لم نحبها
عودوناش .... عودونا
كلمات الشاعر عماد ابو دياب 🥀🥀
