( كنت دايما )
بقلمي جمال القاضي
كنت دايما معاك صادق
بروح وقلب وكمان مشاعر
بس ليه خنت وعدك
ال كان مابينا وقلت فيه
معايا دايما م البداية للنهاية
ومن غير وداع روحت تهجر
وأبقيت لقلبي كاس المرار
وكل لحظه منه شارب
آهات ومنها كنت أسمع
صوت أنين وبعد منها
دقات لقلبي وفيها ألقى
عن الحياه النبض غايب
قلت أعاتب بس العتاب
ماعمره كان لغير حبايب
وأنا بعيوني دلوقت شايفك
ماتفرق معاك لو كنت حاضر
أو عن عيونك كنت غايب
هانسى حبك وأقول لقلبي
ينسى أي حب بينا كان
وقلبي فيه كان يقولك
أنت عندي كل عمري
وأنت عندي أغلى الحبايب
مش هاعاتبك بس أعاتب
قلب حبك وأقوله يبعد
عن قلب شوفته للحب خاين
وهطفي الشموع ال كانت
في يوم دليل طريق وفيه خطاك
وكنت فيها أمشي وبأيدي وردة
وكنت ناوي لما أشوفك أهديهالك
بس لا ماتستاهلش العطر فيها
وهقول لقلبي شمس النهار
كنت أشوفها دايما وعن عيوني
وخلف الضباب دلوقت غابت
