نقول يمين هو يقول يسار
واعصابي كل يوم تحرق
انا نقول ليه اخضر
هو يقول لي
ما آصفر ما ازرق
اما الى كان موضوع مهم
الغرب ديما عندو شرق
زاد في الزلات والغلط
في كلامو عمرو ما صدق
السفينة مولات زوج ربان
لازم ليها تغرق
يجاوب بلا ما يفكر
وبسرعة فاتت البرق
عندي كيف الراجل كيف المرأة
المهم هو الحق
عندو النساء نقيصات
عقل ودين وحتى المنطق
ملي هكذاعلاش فكر
يدير معايا مستقبل
دابا هو لهببل والأحمق
ما غايلقى مني
الا الشوك والحريكة
بزاف عليه بلعمان والحبق
شفتو فين يوصل بِنَا
شد ليا نقطع ليك
والشيطان لنا يسبق
نوصيكم ونوصي راسي
نتفاهمو لا نسدو علينا
باب الهنا والرزق
المرا والراجل هما
بزوج أسرة واحدة
بحال بحال وما كاين فرق
المملكة المغربية الشريفة ٠٣٠٨١٦
الشاعرة د. فاطمة الزهراء الرئيس
