ال ال موس موس
. الناموس زي الجاموس
بس الإختلاف في الحرف
الناموسة فيها نون
ويا جوز من العيون
فيها عقل كبير يضايق
(زنه) ف وشوش الخلايق
يخنق إللي باله فايق
ف العرق و الدمع غارق
في عز ماتكون هي واصلة
والظروف كلمونة عاصرة
جوا جرحك كيلو خل
والصداع. م الحر عالي
تبص ليها وتقول تعالي
سمعيني الصوت العالي
يانا. يانتي ياجمر. هاري
جتة إللي جاب أبوي
اقرصيني يانن عيني
دين أبويا وطلعيلي
إللي شايفه طول النهار
جوا شغلي من انهيار
والروتين حاجة تغيظ
ويا ساعة م الانتظار
مستنيين سي الإيتوبيس
زحمة زحمة وتفاعيص
والنزول يبقى انتصار
البيروسول شربتهولك
والمرار شربتي هولي
جيش تتار. عليكي سقته
رجعتي لي بجيش المغولي
قولي مين عقله كبير
أنا ولا. انتي يا. خاينة
إن كنتي فاكرة زنك خطير
فضيلي من وقتك كدا ثانية
أعرفك فيها. حدودك
راح اجيب أكبر زمارة
واطلع سلسفين جدودك
**********
بقلم الشاعر المصري عرفات الامير
٢٩/٩/٢٠٢٤
