الشاعر صبرى عبد الواحد الحسانى
الدم أصبح ميه
الدم أصبح ميه
واليمين أصبح شمال
والصح أصبح غلط
والفرع المعدول مال
والكذاب كذب وصدق
كل كذبة ليها قال
والقببح علشان فلوسه
قالوا اجمل من الجمال
والحقودطلعله كنز
من تحت الارض دهب ومال
وكلمة الحق بقت ثقيله
وحملها كأنه جبال
والخير بقى كلمه عابره
والحكم بقى للعيال
الدم أصبح ميه
والحرام أصبح حلال
دنيا فانيه وبقت رخيصه
الله يرحمك ياعم ويرحمك يا خال
الدم أصبح ميه
وانقطع خلاص الوصال
