لما الظروف ع المصري تشتد
ب يبان أوي في وقت الجد
راجل أوي و طبعه أصيل
ولا عمره يوم ف الحق يميل
واقف ب جد في وش الريح
لو جسمه كله ملان تجريح
ما يطاطي أبدا مره لحد
عنده أراده تمللي حديد
وعزمه فولاذ أوي و عنيد
جامد أوي و تمللي شديد
تلقاه تمللي معاه الحق
دايما يقول للباطل لأ
تمللي فاتح بيته للكل
و حضنه مفتوح لحبايبه
عمره ما خان يوم جاره
و شافه مريض و ما زاره
حريص تمللي ف قول الصدق
ولا عمره ب يوافق ع الكدب
شهم و جدع دايما وعظيم
تلقاه تمللي وقت الضيم
أبو الرجال و ف حقه كريم
أعظم جنود و ملوك الارض
من شرقها حتي للغرب
و ده مش كلامي أنا لوحدي
دي كلام نبينا رسول الله
المصري ده فتوه و حديد
رجوله و مروه و صنديد
غني عن التعريف و الوصف
أسمر و دمه خفيف و لطيف
فنان قوي ف الكوره حريف
وحضارته تشهد و تاريخه
علي كل علمه و فنونه
من أول التاريخ للآن
علم جميع بلاد الكون
فن و علوم عماره و نحت
و زرع جميع محاصيل الأرض
ولا كانش حد زيه زمان
كان سلة العالم و الكون
في كل شئ سابق ب زمان
وقت أم كان غيرنا تعبان
و لسه مستني الإحسان
يديله م السله ب أمعان
المصري شخص ظريف وعفيف
وقلبه شفاف زي الطيف
أبيض أوي حساس و شفيف
ما يخافش أبدا من مخلوق
ما يخافش غير م الخالق
يعرف أمور ربه و دينه
و كمان حافظ تعاليمه
علم جميع شعوب الأرض
معني الأدب و علوم الدين
ف العشره مين زيه مين
فتن القلوب حب و إحساس
مليون ديوان م الشعر ياناس
مكتوبه ف خصاله بإخلاص
تتمني تمشي معاه ف طريق
و تجاري أوصافه كصديق
المصري طبعه أصيل واضح
ولا عمره كان يوم جارح
زي الهرم صرح و شامخ
ما يهزه ابدا أيها ريح
لو الحمول عليه زادت
شهد العالم نصر أكتوبر
و شاد ب قيمته و بسالته
دعم جيوش بلده بزنده
و بماله و بروحه و دمه
و لا عمره قال مره أنا مالي
والفيديو ده إثبات صارخ
شاهد علي أصله و سيرته
و وقفته علشان وطنه
قال للعدو حاسب عندك
ده شرفي و ده أرضي و عرضي
ولا شبر فيه أبدا ها يروح
و قصاد ده كله تهون الروح
و هزم جيوش أمريكا و الغرب
و نصر بلادنا شرق و غرب
ف كل مكان ف بقاع الأرض
كلمات الاديب الشاعر/ السيد علي القن
كتبت هذه القصيده للان دون مراجعه
و ذلك لما شاهدته من ازدحام المصرين
للتبرع للمجهود الحربي سنه ١٩٧٣
