مدري ليش عيوني ركن شوفهن مو مثل الاول
وأدري ماي البيهن ابيض اسود شماله تحول
وصارن اعيونك الغيري وغيري البيهن تغزل
شماله كلبي الچان صاحي
تعب من كثرة اصياحي
ونته يوميه تناحي
وشخصك البيه ايتجول
اشمالهن تعبن اجدامي
الچانن يوصلن سلامي
وجنت اجيك بزود حامي
وهسه چن مطگوگ معول
اشمالها ذيج الدرابين الجميله
نحبها چي جانت طويله
صار مشيك بيها حيله
وشخصك البيها ايتختل
اشمالها ذيج المدارس
والبخت چان الهه حارس
رادت تسويك فارس
اتغيرت من ناجح اثول
اشمالها الرحلات ذيچه
وأدري بيها اشگد عتيجه
كلمن بصفه رفيجه
وچنت كلش زين تندل
شمالها السبّوره سوده
واللبس كله عالموده
والمعلم چان جوده
لو نظر عينك تبدل
شمالها الجنطه الجلد
عدك وعد الولد
چنه ناخذها اونرد
وچنت شايلها اتمحچل
شمالها ذيج الليالي
الچنت بيها لاتبالي
وچان نجمك بيها عالي
خر عل الگاع ايتسول
سلام المرياني
مو چنت نجم في السماء نزلت للارض كمت تتسول ضوه اسف عليك
