لا للسكات لا للسكات
واخا عمرها ما شكات
ولا يوم لواجبها تركات
يا ما بقلبها بكات وبكات
هو مازايد غير ف الضحكات
راه وصلات السكينة لعظم
امتى يا بنادم غادي تفهم
راه قلبها يبكي الدم
واحد الصباح ما تلقاها حداك
ديك الساعة تظل تبكي نتحداك
كل ما تبني انتيا تهدم
ناقصك لاداب عايش مگدم
اليوم روحها راها زهقات
بعدما عيات وترهقات
بصراخك الدائم تدعقات
تالمت بزاف كن غير بقات
دابا سير كمل على لالة ومالي
وسهر الليالي وتقرقيب اسطالي
يمهل ولا يهمل وهو العالي
عايش وعقلك في الثلث الخالي
جناحك مقطعين وانت مازال فلعلالي
تعيا ما تطير فلاخر تطيح ونسالي
تما تخلص لقديم واجديد يا غزالي
المملكة المغربية 080323
الشاعرة ذ. فاطمة الزهراء الرئيس
