قلت اكتبلي
وحاير شكتب
شو كل كلمه
اعله اشفافك قيثاره اوتطرب
شو كل نضره
من عيونك غناوة حب
وأنت اشما وصفك بأشعاري
قشور القاها .. وأنت اللب
وأنت اشما سمعك الحاني
لحن اسمك يمحيها ويكتب
حاير شكتب
من وردالجوري احلى اشفافك
چي ماشايف جوري امرطب
ومن شعرالعالم انت اجمل
همساتك تجرح وتطيب
وحاير شكتب
ساكت والسكته اعلى أشفافي
والسكته اتمرمر وتعذب
وياظني ادخيلك ياظني
فدوه اغديلك بس لا تكذب
مو هذا الشوق وعملاته
ومو هذا الحب
هنيالك ياقلب العاشق
صارالك بالدنيه احبيب
لاتتحير ..اكتب.. واكتب
توفيق حيدر المالكي
