ماشافن طيوفي عله جفنك زخم
ماحرك بمايك ونين الگصـــــب
ماشافن دروبـــــك معاثر جدم
مامرت بليلـــــــك جنازة شمع
مارجعك موعد؟ مغازل؟ حلــم؟
مگفاك تارس عيني بس ماگلت
الليل يكشخ من يترسه النجـــم
جم سالفــه اتموت بطرف شفتي
تطلع الضحكــــــه لغيرك وتلزم
گالولي عافك بس اگلهم بعــــد
واحلف جنت يمك وارد مبتســـم
بس خايف يعثرني حلف الجــذب
واتعمد اغلط بسمك بٲي اســــم
الحيطان تتٲذى بسوالف عشـــگ
البسمار ما اذاها مثل الرســـــم
الليل يخلص شوگك الما خلــــص
بصورك عيونــي شكثـــر تلجـــم
ارجعلي مـادام الگـلـب بي نـبـض
خـايـف تـروح لـغيـري بـس تنـدم
Tawfeeq Haider AlMaliki
