ويجي يوم يعود حبيبي من تاني
يقعد كده جنبي واخده في احضاني
وانسى زماني اللي جرحني واللي اذاني
واعيش معاه سعدي وهنايا
وارسم على هوايا احلى ايامي
ولا يوم افكر في اللي خدعني
وجرحني وأذاني
راح انسى ايام وليالي سال فيها دمعي
ارسم البسمه وعيوني تضحك من تاني
والاقي حبيب يهنيني
في صباحي ومسايا يبوس خدي
ويطفي ناري اللي جوايا
وإيده تلمسني يروح همي
ويزيد من رضايا
وراسي على صدره اسمع نغمات قلبه
بتقوللي يامونايا
واعيش معاه شوقي وغرامي
ويكون املي وهنايا
ويرسم في ديوان الحب اسمي
ويكون لحبي بدايه
واعدي الايام وياه على مهلي
ولا عمره في يوم يكون لحبي نهايه
ابراهيم محمد آدم
