وطن العرب; صباحك خاتل بسد الظلام
الخلل منك مدري منه مدري بل ساسه ازدحام
فرقونه وطشرونه وفكرة التطبيع خلوها امام
الخير سالك للغريب احنه بس نقطة نظام
والشعب مسكين ساكت أبعينه ينظر للحرام
وصافحو جلاد كافر تحت عنوان السلام
والنتيجه هواي مره ذبحو افراخ الحمام
صحبة الكافر خيانه وبيها يختل الوئام
وهاي لبنان الحبيبه ذهب تتحول رخام
وخاف اسرد بل حديث وانطعن من الاصنام
تحت عنوان الامان عيش لا تحچي كلام
احنه مبيوعين من يوم انولدنه
التاجر واسمه حسام
بلاكلام بلا ملام
اسكت وعيش بسلام
والمصيبه والعجيبه اهلي سموني سلام
عشت ساكت امشي ساكت
ماشفت نوع السلام
سلام المرياني
