.............................
كلمات يحيي العبادي
==============
نهايه كانت وبدايه
لحاجه عاشت جوايه
وفضلت عمري ارويها
واكتب لها ألف حكايه
حكايه عمري عايش بيها
اغنيه حلوه بغنيها
واقول واعيد في جمالها
والكلمه الي.....بعديها
كل الحكايه جوانه
ضمير ونخوه وأمانه
إياك يغيب عنك حاجه
تعيش ونفسك تعبانه
بدايتها مكتوبه نهايه
ونهايه تبدأ ب حكايه
وتعيش حياه انت حاببها
واضح وللكل مرايه
ازرع وما تخافش ارويها
الكلمه حلوه عيش بيها
وافرح لفرح الكون كله
الحلوه تزرع تلاقيها
الي يشوفك هايشاغلك
يتمني يسكن يوم قلبك
ويعيش وفاكر كل جميل
بالحب دايما ها يعاملك
هي البدايه احكيها
الكلمه حلوه عيش بيها
مهما تكون جواك أحزان
صبر فؤادك ...عديها
