💥💥💥💥💥💥💥💥
ايوا أنا عايشة ولسة هعيش
بعدك عني ......... مموتنيش
ابعد اكتر ........ اوعى تقرب
حن لغيري ..... كمان او جرب
لسة القلب ... كتير مستغرب
إزاي اصونك متصونيش ..!!!
ابعد عني ..... روح أو سافر
في الأول ..... كان بعدك كافر
واتحملته ......... ما كسرنيش
جيت على قلبي .. وبتستقوى
ومع الوقت ، أنا قلبي بيقوى
وسلاح غدرك ..... مدبحنيش
كنت كتير تكدب وبصدق ..!!!!
كنت بشوف .. ان انت الاصدق
مهماً عقلي ...... مصدقنيش
كنت بشوفك ....... دايماً غير
كنت عليك ...... م النسمة بغير
مهما بشوف ... ياما منك طيش
كنت بلملم ....... وانت تشتت
قلبك كان ........ لكياني يفتت
حتى ضميرك ما رحمنيش ..!!!
كنت تخوني .... وقلبي يسامح
وأنسى كل عمايل ....... امبارح
كنت بريئة ........ عاوزة اعيش
فكرت الصبر مالوش اخر ؟؟؟؟
لكن غدرك ....... جاب م الاخر
ولقيت صبري .... فجأة مفيش
صفحة ف عمري قلبي حرقها
وسفينة نوحك غرقها .......!!!!
لجل تروح ....... ومترجعليش
ابعد ياللا ......... مترجعليش
✍️ Zenab Seleem
