عدينه السوالف هاي صار اسنين
وصبرنه عالمضن وتعدن العشرين
ماشفنه ربح موت وخسارات
وحتى الماي صاير مشتره ابدين
شعارات وجذب نگعن وسط ماي
وحنظل صفن بحلوگ المساكين
صقطنه النظام وگلنه نرتاح
وجتنه اوجوه غبره الكل شياطين
وصفگنه وهتفنه الله وعلي وياك
وتبره الله وعلي من هل ملاعين
وبعلام الچذب غسلو اعقول الناس
ورجعنه ننتخبهم دبل مرتين
وخلونه انتكاتل ناس تكتل ناس
وتوجهنه مشي لزيارة احسين
وكشفنه الخلل لكن نستحي انگول
بينه الخلل لو عد السلاطين
وگضينها صبر والصبر مليناه
وطمسنه بالوحل حد ماجزه العين
ومن نحچي الحقيقه ننكره ليش
واظن تالي العمر نصبح مساجين
،،،،،،،،،،،،،،،،،،،
سلام المرياني
