سنين العمر سنه راحت
وسنه جايه معاها
حاجات كثير
وسنه راحت وبعد ما راحت
سايبها وراها كمان تفكير
سنه مشيت وخدت معاها
حكايات لها معاني كثير
يمكن عشان السنين اللي
فاتت ما كنتش عامل حساب
ليها وهي عماله تمر
وانا عايش حياتي وكنت
ما عنديش حاجه شغليني
لاني مقتنع اني انا حر
ومتاكد ان كل انسان
حر ما لم يضر
دلوقتي السنه الجديده بحسب
كل الحسابات لاني عرفت
ان كله من العمر
وما فيش وقت لاي مناقشات
ولا حتى ندم على اللي فات
مهما كان الانسان حر
بقلم سيد السباعي شاعر الغربه
