بالك ثـــــم بـالك تـسهه وتـــگرصك
وخل خلگك وسيع وريض ابممشاك
واختـــــار الرفـــيج اهطار ويرصك
عينك خلها ميزانك وآخـــــذ ترتيب
وصبرك خله واسع مـن تذب شصك
الصبــر مريود والعاقل يشوف بعيد
لا اطشر الكزاز ابدرب الــي يخصك
وچــد زين دربك وحـچي المعروف
الكزاز اليگص غيرك يرجـــع يگصك
خاويلك صـــــــديج يفيد بالكلفات
وعــوف البل كلام وعالهوه يرگصك
سولف وي نفــسك وانعـل الشيطان
تــــرى الشيطان ثالث يدخل ابنصك
صديجك والمثل گايل نسيب الروح
ومحبس باليمين وغالي خل فـصك
يرفعك للسمه وللملح عنده أحساب
وحذر مـــــن صديجك گبل لا لصك
الحرص لوزين چا فاد النبي شعيب
حرصك عالشرف ناموس خل حرصك
الي هذا الكلام واني بي مــــخصوص
وانه اننصح بـــروحي گـبـل لا نصحك
Tawfeeq Haider AlMaliki
